لما بتنزل تحت الدش وتقف فتره طويله تستحمى .. بتلاقى صوابع إيدك ورجلك كرمشت .. جسمك تحس إنه بيبوش......صح .. ؟!! سيدنا يونس وهو فى بطن الحوت فضل 3 أيام جوا بطنه والحوت طلعه من بقه ورماه ع الشط .. وكان جسم سيدنا يونس بايش تماماً زى صوابع رجلك وإيدك وإنت بتاخد دوش وأكتر !!
شوف كمية الحنان اللي فى الآيه " ربنا بيقول " *وأنبتنا عليه شجرة من يقطين * تخيل كده الشجره وهى بتطلع جنب سيدنا يونس عشان تضلل عليه لأن الشمس لو لمسته وهو بالشكل دا هياخد ضربة شمس ويموت !!
ربنا قال فى كتابه الكريم و أنبتنا .. مش وكانت بجواره شجره .. لا دى شجره طلعتله مخصوص !! واليقطين ده يعني شجرة ورقها تخين .. الورقة حجمها حجم ودن الفيل .
بحيث تكون ضله تماماً وتحميه من شعاع الشمس لحد ما يفوق وجسمه ينشف وترجع قوته من جديد ..
ربنا طيب .. هيضلل عليك ويحميك .. مهما تبوشك الصعوبات .. ربنا هيطلعلك الخير من وسط الآزمات .. حتى لو إنت مش شايف الخير ده زى سيدنا يونس مكنش شايف الشجره !! صدقنى هتلاقى الحلول طلعتلك فجأه من حيث لا تدرى زى شجره سيدنا يونس .
اسند على ربنا واستقوى بيه لأنه قوى وهيقويك وهيخليك تستعيد طاقتك وقوتك
وإوعى تقلق . ربنا مش هيخذلك وهيوفقك ويحققلك حلمك.⁦💜